بی وائی سی نا دزگیر مروکا راہشون سید بی بی زندان آن آجو مسونے۔ اونا آجوئی نا ہیت ئے بی وائی سی پک کرینے۔
بی وائی سی نا پاننگ ءِ کہ یک جولائی 2026 آ سی ٹی ڈی اُراغا چھاپہ خلنگ نا نیام ئٹی سید بی بی ئے اُراغان دزگیر کریسس۔ تربت ئٹی ڈاکٹر ماہ رنگ بلوچ و سبغت اللہ جی نا عمر قیذ ئنا برخلاف مروکا برانز آن پد 03 جولائی آ آجو کننگاسس۔ آجو کننگ آن اسہ دے ئس پد پدا اودے دزگیر کرسا تھری ایم پی او نا رد ئٹ دزگیر کننگاسس و 31 اگست 2026 آ زندان آن آجوکننگانے ۔
سید بی بی نا پاننگ ءِ کہ جیل ئٹی او کیہی بلوچ بندی تے خنانے ہرافتا بےدادی و ظلم مننگ ءِ ۔ اندا تجربہ اونا بندغی حق و نا انصافی نا برخلاف جہد ئٹی اونا حوصلہ تے گیش مضبوط کرینے و زوراکی تیان بندغی نا اہمیت ئے او گیشتر پہہ مسونے ۔
