کراچی نا ہند ماڑی پور آن سی ٹی ڈی و رینجرز نا کارندہ آک مُسہ بندغ ئے زوراکی ئٹ بیگواہ کرینو۔
حوال تا رد ئٹ بیگواہ کننگوک آ بندغ آتا چائنداری صابر بلوچ ولد عزیز، عبدالعزیز ولد نور محمد و عامر ولد عبدالواحد نا پن تیٹ مسُنے، ہرا ٹیکری ولیج ماڑی پور نا ہندی ءُ۔ دا بندغ آتے جتا وخت آتے ئٹ دزگیر کننگ آن گُڈ بیگواہ کننگانے۔
صابر بلوچ ئے 06 اگست 2026 نا نن ہشت ءُ نیم بجہ غا بیگواہ کرینو۔ عبدالعزیز ئے 07 اگست نا نن ئنا ہفت بجہ آ بیگواہ کرینو و عامر بلوچ ئے 05 اگست 2026 نا نَن ئکن بیگواہ کننگانے۔
