ترجمان دوستین بلوچ پارے کہ استو نن ئٹ بلوچ ریپبلکن گارڈز ئنا سرمچار آک بلوچستان نا ضلع سبی نا ہند حاجی شار ئنا خُڑک بھلا کسر آ ایف سی و پولیس نا اوار انگو چیک پوسٹ ئسے آ چُنکا و بھلا سلاہ تے ئٹ جلہو کریر۔ جلہو نا وخت آ ساڑی لغور آ ایف سی و پولیس نا کارندہ غاک تینا چیک پوسٹ ئے یلہ تِسُر و سٹّی سمکاری کرسہ نرّار۔
سُمکاری نا وخت آ اِرا پولیس کارندہ سلاہ تیتون دزگیر کننگار و پولیس کارندہ عبدالرشید ابڑو خلنگا و کیہیک ٹپی مسُر۔
ترجمان پارے کہ دزگیر کننگوک آ پولیس کارندہ تے بلوچ مننگ ءُ بندغی نا خاطر آن تِڑی ترسہ یلہ تننگا، نن ہر وخت ئنا وڑ اسہ وار ئس پدا پولیس کارندہ تے تِڑی تینہ کہ ہرافک قابض پاکستانی لشکر نا کمک و بلوچ سرمچار تیتون مزاحمت کننگ آن تینے تورِر، نہ تو تینا جانی و مالی نسخان نا ذمہ وار تینٹ مرور ۔
ایسر ئٹ پارے کہ دا جلہو نا ذمہ واری ئے ننا تنظیم بی آر جی ہرفک ءُ ننا دا وڑ ئنا کارروائیک بلوچستان نا تیبہ آجوئی اسکان برجاء مرور ۔
