آواران نا ہند کولواہ ٹی پاکستانی فوج ئنا سُمکاری آن زالبول ئس ٹپی مسُنے۔
زرمبش حوالکار نا رد ئٹ استو پاکستانی فوج کولواہ، سری مالار ئٹی لس آبادی آ سُمکاری کرے ہراڑان اسہ زالبول ئس ٹپی مسنے۔ ٹپی مروکا زالبول نا بابت ئٹ پاننگ ءُ کہ او مری بلوچ ئسے ہرا بزغری کننگ ءُ۔ ٹپی مروکا زالبول ئے علاج کن اسپتال آ دننگانے۔
یات مرے کہ داکان مُست 31 مارچ 2026 آ پاکستانی فوج کولواہ مالار ئٹی سُمکاری کرسا لمہ، باوہ و چناس ئسے شہید کریسس، پین مُسہ بندغ ٹپی مسس۔ خلنگ مروکا بندغ آتا چائنداری محمد عمر بلوچ اونا زائیفہ فائزہ بلوچ و اونا مسڑ ماہ زیب نا پن تیئٹ مس، ہرا کولواہ چیری مالار، بنگل بازار نا ہندی ءُ، و محمد عمر نا نشار فہمیدہ تون اوار مُسہ بندغ ٹپی مسس۔
خدو نا سال ہم 17 مئی آ مالار مُچی ٹی فوج سُم کاری کرسا نعیم بلوچ ولد سنجر و ہوری بلوچ ولد قاسم ئے خلکس و خلنگ مروکا نعیم نا لُمہ ٹپی مسس۔
