حب چوکی آن پاکستانی لشکر نا ڈھکوک ادارہ تا کارندہ غاک خوانندہ ئسے دزگیر کننگ آن گُڈ بیگواہ کرینو۔
زرمبش حوال تا رِد ئٹ زوراکی ئٹ بیگواہ کننگوک آ ورنا نا پن زبیر بلوچ ءِ، ہرا ڈگری کالج آن کیمسٹری بشخ آن فارغ مروک ءُ خوانندہ ئسے۔
زبیر بلوچ ئے 30 جولائی 2026 آ ہمو وخت آ دزگیر کننگانے ہراتم سی ٹی ڈی تھانہ غا پیشی آ ہننگ آن پد تینا اُرا نا نیمہ غا ہِننگ ئٹی مسُنے کہ کسر آن ڈھکوک ادارہ تا کارندہ غاک اودے دزگیر کرسہ بیگواہ کرینو۔
زبیر بلوچ نا بارو ئٹ پارہ کہ او اسہ سْیاسی کارکُن ئس ئسے اونا پن فورتھ شیڈول ئٹی ہم اوار مسُنے ہر وخت او تینا پیشی تیکن سی ٹی ڈی نا تھانہ غا ہِنانے بَسُنے۔
