یونائیٹڈ بلوچ آرمی نا ترجمان مزار بلوچ میڈیا ٹی شنگ کروک تینا بیان ئٹ پارے کہ ننا سرمچار آک 14 اکتوبر نا شام ضلع ڈھاڈر نا علاقہ سیوری ٹی ریاستی مخبر پاندی مری ولد طور خان مری ئے گشت ئنا وخت آ دزگیر کریر ہراکہ بلوچ آجوئی خواہوک آتا مخبری و بلوچ نسل کشی ٹی اوار اسک۔
ترجمان پارے کہ دزگیری ٹی سرسوج نا وخت آ او تینا کُل ڈوھ تے منّا، و ڈھاڈر نا جتا علاقہ تیٹ کاریم کروک ریاستی آلہ کار تا نشان دہی ئے کرے ہراکان پد بلوچ راجی عدالت ٹی کل گواچن تے مون آ تخسہ پاندی مری ولد طور خان ئے مرگ ئنا سزا تننگ مس۔ ہراڑا سرمچار آک عمل کرسہ ریاستی مخبر ئے کھسفیر، ہرانا زمہ واری ئے ننا تنظیم ہرفِک۔
ترجمان پین پارے کہ تنظیم دا کل عناصر تے سختی ئٹ پائک کہ او کوزہ گیر ریاست نا دلالی ، لشکری چیک پوسٹ و کُل ریاستی ادارہ غا تیان مر مریر نہ تو او تینا جان و مال ئنا ذمہ وار تینٹ مرور۔
بیان نا اخیر ئٹ او پارے کہ نن دہن انگا کل کارندہ غاتا حوالہ ئٹ سرپندی تخِنہ ہراکہ کوزہ گیر ریاست تون اوار ءُ۔ او بروکا وخت ئٹ ننا سرمچار آتا نشانہ غا مرور، راجی غدار تیکن ہچو نرمی ئس مروف و ننا جلہو آک آزات بلوچستان نا دوئی کننگ اسکان برجاء مرور۔
