بلوچ ریپبلکن گارڈز نا ترجمان دوستین بلوچ میڈیا ٹی شنگ کروک تینا بیان ئٹی پارے کہ ننا سرمچار آک نصیر آباد نا ہند نوتال نا خُڑک کوزہ گیر پاکستانی لشکر نا اسہ چیک پوسٹ ئسے آ بھلا و پوسکن انگا سلاہ تیٹ جلہو کریر ہراٹی لشکر نا اِرا کارندہ ہمو جاگہ آ کھسکُر و چار بھاز ٹپی مسُر۔
ترجمان دوستیںن بلوچ پارے کہ سرمچار آک نصیر آباد نا علاقہ چھتر ئٹی بلوچستان آن پنجاب کن ہنوکا بجلی لائن نا ٹاور آتے تراک ئنا شورہ تفِسا خلکُر۔ ہراڑان اِرا ٹاور تمار و اِرٹ ئے بھاز نسخان مس۔
ترجمان پارے کہ مُسٹمی جلہو نصیر آباد نا علاقہ رابی ٹی ہمو وخت آ کننگا وختس گیس ئنا رکھنگ کن سلوک لشکری کارندہ تے ریموٹ کنٹرول بمب ئٹ نشانہ کننگا۔ ہراٹی اسہ کارندہ ئس خلنگا و اسہ بھاز ٹپی مس۔
ترجمان ایسر ئٹ پارے کہ ننا تنظیم بی آر جی دا جلہو تا زمہ واری ئے ہرفک و واضح کیک کہ دُن انگا کاروائیک بلوچستان نا آجوئی اسکان برجاء مرور۔
