بلوچستان نا انسداد دہشت گردی عدالت بلوچ یکجہتی کمیٹی (بی وائی سی) نا کسرشون ڈاکٹر ماہ رنگ بلوچ تون اوار چار بندغ ئے ایف سی کارندہ نا قتل ئنا مقدمہ ٹی عمر قید ئنا سزا بنفینے۔
عدالتی فیصلہ نا رد ئٹ دا مقدمہ گوادر ئٹی اڈ تروکا "راجی مچی” مچی نا وخت آ مونا بروکو اسہ واقعہ ئسینا بابت ئٹ اَس، ہراٹی فرنٹیئر کور (ایف سی) نا کارندہ شبیر بلوچ بیران مسس۔
فریاد کروک نا خیال اَس کہ کارندہ مچی نا وخت بھاز آ بندغ آتا کنڈ آن خل ئٹ نشانہ مس، ہرانا سوب آن او بیران مس۔
عدالت ڈاکٹر ماہ رنگ بلوچ آن بیدس بلوچ اسٹوڈنٹس آرگنائزیشن (بی ایس او) نا چیئرمین بالاچ قادر، بنجائی کسرشون ابوبکر کلانچی و بی وائی سی کسرشون صبغت اللہ شاہ جی ئے ہم عمر قید نا سزا بنفینے۔
عدالتی دستاویزات نا رد ئٹ مقدمہ نا سماعت سیکورٹی وجوہات نا سوب آن کوئٹہ جیل نا تہٹی جوڑ خصوصی عدالت ئٹی مس۔
دا مقدمہ ئے گوادر ئٹی اڈ ہلوکا راجی مچی نا مچی آن پد درج کریسر، ہراٹی ایف سی کارندہ شبیر بلوچ نا کھسفنگ نا بنداو جوڑ کرسہ ڈوھ دار آتا بر خلاف قانودی کاروائی بنا کننگاسس۔
عدالتی فیصلہ آن پد داسکان دفاعی وکیل یا بلوچ یکجہتی کمیٹی نا کنڈ آن قانودی ردعمل ئس مون آ بتنے داسکان بی وائی سی کسرشون آتا فیس لیس ٹرائل و عدالتی کارروائی نا شفافیت آ تشویش نا درشانی کننگ مننگ ءِ۔
