بلوچ لبریشن آرمی نا ترجمان میڈیا ٹی شنگ کروک تینا بیان ئسیٹی پارینے کہ اینو کوزہ گیر پاکستانی لشکر ئے تروک وارننگ و جنگی قیدی تا ہڷ ئہ تس نا آپشن ئے رد کننگ آن پد لشکر کشی نا ورندی و ایسری ورندی تننگانے۔ دشمن لشکر اینو توپ خانہ و بھلا سلاہ تیٹ مسی گھام خلنگ نا کوشست کرے، ہرانا سوب آن سخت جنگ مس۔ بی ایل اے نا سرمچارک پیشہ ورانہ عسکری حکمت عملی نا رد ئٹ دشمن نا عزائم تہ مش ئٹ غرک کریر۔ فوج ئے بےسوب کرسا پدی مننگ آ بیوس کننگا۔ واہم دا جنگ ئٹی بی ایل اے نا مُسہ سرمچار لمہ وطن نا کسر ئٹ ندر مسنو، ہرا بلوچ راجی جنگ آجوئی ٹی اسہ پین دیہاڑ ئس نوشتہ کرینو۔
ترجمان پارے کہ پاکستانی لشکر نا دا زوراکی، ہٹ دھرمی و قیدی تا ہڷ ئہ تس آ وے سوبری نا ورندی ٹی بی ایل اے اسہ ساہت ئس مُست پین 50 فوجی بندی مرگ ئنا گواچی کرینے، ہرا بلوچ راجی عدالت ئٹی بلوچ زنک ایسری، زوراکی نا بیگواہی، مڈی تا لٹ ئہ پل، ریاستی دہشت گردی و جنگی ڈوہ تیٹی تُد اسُر۔
او پارے کہ داکان مُست، استو ننکان پاکستانی لشکر نا ڈرون جلہو نا ورندی ٹی 10 بندی مرگ ئنا گواچی کننگاسس۔ جھڑپ آتا وخت آ پین 10 و درو 30 پاکستانی لشکری کارندہ کھسفین، ہراکان پدا دشمن لشکر نا کھئوکا کارندہ غاتا کچ 100 آن زیات مسُنے۔ واہم دا وخت 150 آن خُڑک پین بندی بی ایل اے نا قیذ ئٹی ءُ۔
او ودیک پارے کہ بی ایل اے دژمن ئے اَسہ حتمی و پھاش کلہو ئس تننگ ءِ کہ اگہ کوزہ گیر ولدا عسکری کاروائی نا کوشست کرے، گُڑا نن کل بندی کارندہ غا تہ تروک وخت ئنا ایسر مننگ آن مست مرگ ئنا گواچی کرون۔
جیئند بلوچ پارے کہ بی ایل اے تینا کل فیصلہ غا تیا عمل کننگ نا تاغت، لائخی و عزم تِخک۔ دا مزاحمت بیرہ اَسہ معرکہ اِسکان تفوک اف بلکن بلوچ راجی جنگ آجوئی ئے باء تننگ منکن اف۔ کوزہ گیر دشمن کن ہر ساہت کُبین آن کبین مرسہ کرو، و بی ایل اے بلوچ راجی مزاحمت نا دا مرحلہ ئے دا نا ایسر اِسکان سر کننگ کن ہر منکن گھام اَرفو۔
او ایسر ئٹ پارے کہ پاکستانی لشکر تون داسہ بیرہ 20 گھنٹہ ارے۔ اگہ دا وخت سنجیدہ گھام ہرفنگتو گُڑا ہر گدرینگوکا ساہت ئٹ پین بندی بلوچ راجی عدالت نا فیصلہ نا رد ئٹ سزا تننگ مرو۔
