ایمنسٹی انٹرنیشنل تینا درشان ئسیٹی پارے کہ انسداد دہشت گردی قانود آتا رد ئٹ بندغی حق آتا وکیل ایمان زینب مزاری حاضر و ہادی علی نا دزگیری و اسہ وڑ نظر بندی اوفتا حق آتا لتاڑ ءِ و انسداد دہشت گردی ایکٹ ئے رد کاریم ئٹ ہتنگ نا اسہ پین مثل ئس ءِ۔
ایمنسٹی انٹرنیشنل پارینے کہ دہشت گردی نا دوبہ آک ہچ دنو ڈوہ ئسے کن افس ہرا ایمان مزاری و اونا اُرا خواجہ غا خلنگانو، کالخواہ تا کنڈ آن دُن انگا کاروائیک کچ آن زیات و جہانی قانود آتا رد ئٹ پاکستان نا زمہ واری تیان چَپ ءُ۔
درشان ئٹی پاننگانے کہ ایمان و ہادی ئے 28 اکتوبر آ دزگیر کننگاسس و دزگیری نا 24 ساعت آن پد اوفتِہ دوبہ آتا پاننگاسس، ایمان ئے داکان مُست ہم دزگیر کننگاسس و اگست 2023 آ پی ٹی ایم نا جلسہ ٹی اونا اوڑدئی و تران کننگ آ اوڑا ڈوہداری نا دوبہ خلنگاسس۔
تنظیم پارے کہ کچ آن زیات دوبہ، خاص وڑ ئٹ دہشت گردی ئے زوت ختم کننگ مرے و کالخواک بندغی حق آتا قانود آتا رد ئٹ انصاف ئٹ اوفتِہ تینا سفائی نا حق تننگ ئے یخینی جوڑ کننگِہ۔
