شال و کیچ ئٹی سُم کاری ٹی زالبول ئسیتون اوار مُسہ بندغ خلنگا۔ سُم کاری نا اولیکو تدینی سریاب کسر آ مس اراڑے نادرست آ بندغاک ورنا ئس خلکُر، ارٹمیکو تدینی دے ٹِکّی بائی پاس (مشرقی بائی پاس) آ مس اراڑے سُم کاری ٹی زالبول ئس خلّنگا۔
پولیس نا پاننگءِ کہ سُم کاری آن پد خَلوکاک ہِنوک ءُ۔
ہندن تمپ کیچ ئٹی سُم کاری ٹی اسہ بندغ ئس خلّنگا۔
پولیس نا پاننگءِ کہ نادرست آ سِلاہ بند بندغاک سُم کاری کرسہ مراد باوہ نا پِن اصغر علی جاگہ تمپ ئے خلکُر۔ ارانا جون ئنا بھازا جہہ تہ شش سُم لگّانے، ولے تدینی نا بنیات چائنگ متو۔
بلیدہ میناز ئٹی نادرست آ بندغاتا سُم کاری آن ماسٹر عبدالغنی باوہ نا پِن فتح محمد جاگہ پروم بھاز ٹھپّی مس، ارادے اسپتال آ راہی کنّنگا۔
