بلوچستان نا ضلع قلات نا تحصیل منگچر آن پولیس نا سینئر افسر ایس ایچ او علی اصغر نیچاری تینا گن مین سلمان تون بیگواہ ءِ ، اوکان پد علاقہ ٹی سیکیورٹی ہائی الرٹ کننگانے۔
حوال تا رد ئٹ ایس ایچ او علی اصغر نیچاری پٹرولنگ کن پولیس اسٹیشن آن ذاتی لاری تون پیش تمانے۔ تومکا کارندہ تا وے رسینگپنگ نا سوب آن اندا پاننگ ءُ کہ اودے برمتہ کننگانے۔
بلوچستان ئٹی سرکاری و بست و بندی افسر تے بیگواہ کننگ نا تدینی تیٹی زیاتی بسونے۔ اندا وڑ خاران نا ڈی سی ءِ ہم بیگواہ کننگاسس پدا او سلامتی ئٹ تینا اُراغا سر مسس۔
اندا وڑ تمپ ئنا اے سی ءِ دزگیر کننگاسس ہرانا ذمہ واری ءِ بی ایل ایف ہرفیسس منہ وخت آن پد اے سی ءِ یلہ کننگانے ۔
منگچر ئٹی ایس ایچ او و اونا گن مین ءِ برمتہ کننگ نا ذمہ واریءِ داسکان ہچو تنظیم ئس ہرفتنے۔
