ڈیجیٹل لائبریری خضدار نا خوانندہ آک تینا خواننگ نا حق آتیکن پُر ایمن واک ئس کریر، ہراٹی خوانندہ ، استاد و شاریک اوار مسُر۔
واک ئنا ایسر مننگ آ ضلعی انتظامیہ نا نیمہ غان ڈیجیٹل لائبریری نا بھلا دروازہ ئے بند کرینو و بھاز خوانندہ تیتون نامناسب روشت اختیار کرینو۔ لائبریری بند مننگ آن پد خوانندہ آک کسر آ تولِسا تینا خواننگ ئے کننگ آ بیوس ءُ۔
ہندا وخت برانزیک پاریر کہ دا سخت اوسوز و فریشانی نا حالیت ئسے۔
خوانندہ آک پاریر کہ اوفتا اسہ بندغ یا ادارہ سیتون جیڑہ ئس اف بلکن اوفتا برانز تیبہ پُر ایمن ءِ و اوفتا خواست آک تینا جائز و بنیاتی خواننگ نا حق آتیکن ءُ۔
خوانندہ آک بلوچستان حکومت، کمیشنر قلات و ایلو کالخواہ تیان خواست کرینو کہ اوفک نوٹس ہلسا دا جیڑہ ئے منصفانہ وڑ ئٹ حل کیر تانکہ خواننگ بیدس سلنگ آن برجاء مرے۔
خوانندہ آک پاریر کہ اگہ اوفتا جائز خواست آک مننگ متوس گُڑا اوفک پھگہ بھلا کسر آ پُر ایمن برانز کرور، ہرانا تیبا ذمہ واری ضلعی انتظامیہ نا زیہاٹے۔
