بلوچ ریپبلکن گارڈز نا ترجمان دوستین بلوچ میڈیا ٹی شنگ کروک درشان ئسیٹی پارینے کہ درو سوب آن ویگ اسکان سرمچار آتا قوضہ کروک دشمن تون جھڑپ برجاء مسُنے، ہراٹی قوضہ کروک آ لشکر نا 10 کارندہ ہمو جہہ آ کھسکُنو و کیہی کارندہ غاک ٹپی مسُنو۔
ننا سرمچار آک بلوچستان نا ضلع کچھی ، ڈھاڈر و سنی نا نیام ئنا ہند آتیٹی قوضہ کروک پاکستانی لشکر نا کیپٹن عمر نا بھلُنی ٹی سبی آن سنی آ ہنوکا ایف سی نا کاروان ئے سنگر ہلسہ ٹک کرینو ۔ سرمچار آک خُڑک آن خودکار و بھلا سلاہ تیئٹ جلہو کرینو ، ہراڑان قوضہ کروک لشکر نا 6 کارندہ ہمو جہہ آ کھسکُنو و کیہیک ٹپی مسُنو۔
دا جلہو نا وخت آ کمک کن ارٹمی کاروان مونا بننگ نا کوشست کرینے ، ہرادے کسر آ مُست آن سنگر ہلوک آ سرمچار آک جلہو ئٹ ٹک کرینو ہراڑان 4 کارندہ ہمو جہہ آ کھسکنو و کیہیک ٹپی مسنو۔
جلہو تان پد پاکستانی لشکر تینا جون ءُ ٹپی مروکا کارندہ تے ہیلی کاپٹر آ درینے ، ہندن لغور آ لشکر دا تُرند انگا جلہو تیان خُلیس نا گواچی مرسہ لس مخلوق آ ہیلی کاپٹر آتیٹ شیلنگ کرینے و کیہی ماٹر فائر کرینے، جلہو تان گُڈ ننا سرمچار آک سرسوبی ئٹ تینا ٹھکانہ تیا سر مسُنو۔
ترجمان ایسر ئٹ پارینے کہ دا جلہو تا ذمہ واری ئے ننا تنظیم بی آر جی ہرفِک و ننا دا وڑ ئنا کارروائیک بلوچستان نا تیبہ آزاتی اسکان برجاء مرور ۔
