بی این ایم نا ترجمان بی وائی سی نا رہشون ڈاکٹر ماہ رنگ، صبغت اللہ و بی ایس او نا چیئرمین و ایم فل اسکالر بالاچ قادر ئے عمر قید ئنا سزا نا سخت مذمت ئے کرسا پارے کہ پاکستان اسہ دہشتگرد ریاست ئس ءِ، ہرا تینا ریاستی طاقت و ادارہ تے بلوچستان ئٹی خوف و دہشت کن کارمرز کننگ ءِ۔
بلوچستان نا ورنا رہشون تے عمر قید ئنا سزا ترسا مزاحمتی سیاست ئے توننگ نا کوشست کننگ ءُ۔ ڈاکٹر ماہ رنگ، صبغت اللہ و بالاچ قادر پرایمن سیاسی مزاحمت ئٹ بلوچ راج ئنا برخلاف ریاستی جبر و بندغی حق آتا برخلاف توار بُڑز کننگ اسُر ، اوفتے ہندا سوب آن سزا تننگانے تانکہ بلوچ راجی باسک آک خُلیس نا گواچی مریر۔
ترجمان پارے کہ بلوچ راج” فیس لیس” عدالت و پاکستان نا قانون تیا بھروسہ کپک۔ دا سزا تنیا منہ بندغ یا بلوچ راج ئنا مستقبل نا برخلاف اف بلکن تیبہ بلوچ راج ئنا برخلاف ریاست نا فیصلہ ءِ ہرانا برخلاف ہر جاگہ آ توار بُڑز کننگ مرو۔ نن دا فیصلہ ئے رد کینہ، پاکستان نا دا عدالتی دہشت گردی بلوچ راجی تحریک و مزاحمتی سیاست نا کسر ئے توننگ کپک۔
