بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ ننا سرمچار آک 20 جون 2026 آ سوراب نا علاقہ نغاڑ ئٹی کارروائی کرسہ سرمچار آتے جتا ٹولی تیٹی ونڈ کریر، ہرافک تینا پوزیشن تے سنبھالسا تیبہ نغاڑ ئے گھیرہ کریر۔
ترجمان پارے کہ آپریشن نا بناء تون سرمچار آتا ٹولیک نغاڑ نا ہن و بر نا کسر تیا جتا ہند آتا سخت ناکہ بندی کریر۔ ہندی بلوچ آبادی تے نسخان تیان رکھنگ و کوزہ کروک فوج ئنا کمک، ہن ءُ بر ئے توننگ کن کُل کسر تے تیبہ بند کریر۔ ناکہ بندی آن پد سرمچار آک مُستی ہِنِسٹ نغاڑ ئٹی ایس ایس پی آفس آ جلہو کرسا جاگہ ئے تیبا تینا کنٹرول ئٹی کریر، دفتر ئے کوزہ کننگ آن پد 8 سرکاری توفک، میگزین، بلٹ پروفک جیکٹ و ایلو فوجی سامان تے ہرفیر۔ ہندا وخت سرمچار آک ایس ایس پی دفتر نا خُڑک سلوک 5 سرکاری لاری تے ہُشار ہرافتیٹی 2 بلٹ پروف لاری اوار اس۔
ترجمان مُستی پارے کہ ایس ایس پی دفتر آ کوزہ نا وخت اوڑے ساڑی انگا پولیس کارندہ تیان سرمچار آک پٹ ءَ پول کریر۔ بی ایل ایف راجی آجوئی کن جنگ کننگ ءِ و ننا توفک نا نشانہ تنیا کوزہ کروک پاکستانی فوج و اونا مُخبر آک ءُ ہندا سوب آن پٹ ءَ پول مکمل مننگ آن پد سرمچار آک کارندہ تے سخت وارننگ تننگ آن پد یلہ کریر و سرمچار آک آپریشن ئے پورو کننگ آن پد پیشتمار۔
ترجمان پارے کہ سرمچار آک 19 جون 2026 آ قلات نا علاقہ سنگداد ئٹی فوج ئنا بمب ڈسپوزل اسکواڈ نا اِرا لاری تے مُست سنگر ہلسہ نشانہ کریر۔ دا کارروائی ٹی بمب ڈسپوزل اسکواڈ نا مُسہ پیادہ ءُ کارندہ ہمو جاگہ غا خلنگار و کیہیک ٹپی مسر۔
ترجمان گہرام مُستی پارے کہ سرمچار آک 19 جون 2026 آ اسہ پین کارروائی سیٹی تربت نا علاقہ آپسر ئٹی فوج ئنا بھلا کیمپ آ راکٹ لانچر تیٹ کیہی گولہ خلکُر ہرا ٹک نشانہ غا لگار، دا جلہو ئٹی کوزہ کروک فوج ئے جانی و مالی نسخان ہرفوئی تمانے۔
ترجمان مُستی پارے کہ سرمچار آک 13 جون 2026 آ کیچ ئنا علاقہ شاہرک ڈن نا ہند آ اسہ دکان ئسیا چھاپہ خلسہ کیکن نا ہندی و ڈیتھ اسکواڈ نا کارندہ نذیر ولد محمد علی ئے دزگیر کریر۔ نذیر ولد محمد علی کیہی وخت آن ڈیتھ اسکواڈ نا ہندی سربر نصیر نا بھلنی ٹی کوزہ گیر فوج ئکن مخبری و سہولت کاری ٹی اوار اسک۔ او کیچ، کیساک، شاہرک و شاپک تون بالگتر و کولواہ نا علاقہ تیٹی سرمچار آتا برخلاف جاسوسی و فوجی آپریشن تیٹی بشخ ہرفینے۔ پن کروکا کارندہ 2 مارچ 2023 آ شاپک نا مشی ہند بہترم ئٹی مروکا فوجی آپریشن ئٹی بنیاتی محرک اسک ہراٹی تنظیم نا اِرا سرمچار شعیب عرف ودار و یحییٰ عرف سیکی شہید مسوسر۔ نذیر سرمچار آتا رند ئے ہرفسا کوزہ کروک فوج ئے اوفتا ساڑی مننگ نا حوال ئے تسس۔ نذیر ولد علی محمد ئے تفتیش آن پد ثبوت آتا بنیات آ سرمچار آک 16 جون 2026 آ شاپک ئٹی گٹ گور نا ہند آ خلکُر۔
ترجمان ایسر ئٹ پارے کہ بی ایل ایف سوراب آپریشن ئٹی ایس ایس پی دفتر آ فوجی کنٹرول کننگ، 5 سرکاری لاری تے ہُشنگ، فوجی سلاہ و مڈی تے دوئی کننگ، قلات ئٹی بمب ڈسپوزل اسکواڈ آ جلہو، تربت نا بھلا کیمپ آ راکٹ جلہو، شاہرک ئٹی مخبر ئسے خلنگ نا ذمہ واری ئے ہرفک۔ تنظیم دا قول ئے پدا کیک کہ بلوچستان نا آجوئی و بلوچ راجی پجار نا رکھنگ نا وڑ انگا مسخت نا ہلنگ اسکان کارروائیک برجاء مرور۔
