گوادر نا ہند پسنی آن پاکستانی فوج بالاچ ولد اصغر پنی ءُ ورنا ئسے 15 اگست 2026 نا ویگ ئنا پسنی نا ہند ماہیگ بازار آن دزگیر کرسا بیگواہ کرینے۔ بیگواہ کننگوک آ ورنا نا بابت ئٹ ہندُن پاننگ ءُ کہ او دریا ٹی کاہک ئسے آ کاریم کیک۔
ایلو نیمہ غا گوادر نا ہند کُنٹانی آن پاکستانی فوج کولواہ نا ہندی اِرا ایلم تے دزگیر کننگ آن پد بیگواہ کرینے۔ بیگواہ کننگوک آ ورنا تا چائنداری ساجد بلوچ و اکل بلوچ ولد محمد بخش نا پن تیئٹ مسُنے، ہرا کولواہ نا ہند سنڈُم نا ہندی ءُ۔
ارٹنگا ایلمک گوادر نا ہند کُنٹانی ٹی مزوری کننگ ئٹی مسنو، شش دے مُست کنٹانی آن کولواہ آ ہننگ ئٹی مسنو، کہ اوفتے گوادر آن پاکستانی فوج دزگیر کننگ آن پد بیگواہ کرینے، اوکان پد اوفتا ہچو حوال ئس اف۔
