بی آر جی نا ترجمان دوستین بلوچ تینا شنگ کروک بیان ئسیٹی پارے کہ استو شام ئنا ہفت بجہ غا سرمچارک بلوچستان نا بھلا کسر ئے ڈھاڈر آ تفِسہ پٹ و پول کرینو۔ پٹ و پول نا نیام ئٹی بھاز ڈرائیورک نرنگ نا جہد کریر گُڑا سرمچارک سُمکاری کریر۔
او پارے کہ نن بلوچستان نا بھلا کسر تیا سفر کروکا کُل ٹرانسپور آتا بھلا تے پاننگ خواہنہ کہ اوفک تینا ڈرائیور تے پار کہ بھلا کسر تیا سفر نا وخت شام یا دے مرے سرمچار تے تینا پجار و لاری تے پٹنگ آن پد بیدس خلیس آن ہننگ کیرہ۔ اگہ نہ تینا جان و مال ئنا نسخان نا ذمہ وار تینٹ مرور۔
ترجمان پارے کہ ہندا وڑ سرمچارک شام ئنا نُہہ و دہ بجہ نا وخت سبی شہر ئٹی ڈی آئی جی نا مہمان خانہ غا گرنیڈ لانچر تیئٹ بھاز گولہ خلکُر۔ ہرانا سوب آن جانی و مالی نسخان مسنے۔
درشان نا ایسر ئٹ دوستیں بلوچ اِرٹ انگا کاروائی تا ذمہ واری تے ہرفے۔
