بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ سرمچار آک 18 جولائی 2026 ئنا شام خاران نا علاقہ کُلان ئٹی کوزہ گیر ریاست نا بھلنی ٹی کاریم کروکا ڈیتھ اسکواڈ نا برخلاف اسہ منظم ءُ آپریشن ئس کرسا کوزہ گیر دشمن نا پنی آ کارندہ حافظ کبیر نا ٹھکانہ ئے گھیرہ کریر۔ دا وخت حافظ کبیر نا مار عبدالحکیم مزاحمت کننگ نا کوشست کرے ہرانا سوب سرمچار آک جوابی کارروائی کرسا اودے ہمو جاگہ آ خلکُر۔ دا آپریشن ئٹی سرمچار آک کوزہ گیر ریاست نا پنی آ کارندہ حافظ کبیر ئے اونا مار نوید تون اوار دزگیر کریر ہرادے تفتیش آن پد بلوچ راجی عدالت ئٹی ہتنگ مرو۔
ترجمان پارے کہ اسہ پین کارروائی سیٹی سرمچار آک 18 جولائی 2026 ئنا شام خاران نا علاقہ گواش ئٹی ریاستی کارندہ صوفی ممتاز نا خُڑک ئنا سنگت و راجی مجرم غمی ساسولی ئے سُمکاری کرسا خلکُر۔ پن کروکا بندغ 2015 ٹی احمد نواز ساسولی تون دشمن نا مونا سرنڈر کریسس۔ سرنڈر آن پد غمی ساسولی احمد نواز نا بھلنی ٹی بلوچ راجی جہد ئنا برخلاف کاریم کننگ اسک۔ احمد نواز نا خلنگ آن پد او راجی جہد آجوئی نا برخلاف صوفی ممتاز نا نیٹورک ئٹی اوار مس و علاقہ ٹی بلوچ ورنا تا زوراکی ئٹ بیگواہی، بیدس عدالت کوش آتون اوار دُزی و لُٹ ءُ پُل نا ڈوہ تیٹی تُد مسنے۔
ترجمان گہرام بلوچ پارے کہ بی ایل ایف حافظ کبیر و اونا مار حافظ نوید ئے دزگیر کننگ، راجی ڈوہدار عبدالحکیم و غمی ساسولی ئے خلنگ نا ذمہ واری ئے ہرفک۔ حافظ کبیر و حافظ نوید نا فیصلہ تیبہ تفتیش پورو مننگ آن پد بلوچ راجی عدالت ئٹی مرو۔
