ضلع کیچ ئنا بنجائی شار تربت آن درو ننکان زوراکی ئٹ بیگواہ کننگوک 18 بندغ آجو مسُنو۔
ـ خاہوت و جہی بندغ آتا پاننگ ءِ کہ کُل بیگواہ غا بندغ آک خیر سلامتی ئٹ تینا اُرا تیا سر مسُنو۔
حوال تا رد ئٹ اینو سہب ئنا سہار تون پاکستانی لشکر تربت نا علاقہ ملک آباد ئٹی اُرا ئسے آ چھاپہ خلکسس و خُڑک و مُر ئنا اُرا تیان 18 بندغ ئے دزگیر کننگ آن پد بیگواہ کریسس۔ اوفتان 15 بندغ ئے ویگہ نا 4 بجہ غا یلہ کننگاسس۔
پوسکنا حوال تا رد ئٹ ایلو مُسہ بندغ،حمل امام بخش، حامد محمود، و اسہ پنجگور نا جہی ئسے ہم آجو کننگانے۔
