بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک تینا درشان ئٹ پارینے کہ سئے مئی نا پیشیم 3:30 بجہ نا وختا دشت بلنگور نا جہہ سورک ئٹ بی ایل ایف نا سرمچارک سٹیئو حفاظتی بند جوڑ کروکا ٹریکٹر آتا ٹائر تِہ برسٹ کریر۔
ترجمان پارے کہ ٹھیکیدار خورشید نگوری ئے مہالو آن پاننگاسس کہ بی ایل ایف بے المی بند جوڑ کننگ نا موکل تروف۔ ولے او پدی متو۔ ہرانا سوب آن سرمچارک خبڑدار کننگ کن پنچ ٹریکٹر نا ٹائر تِہ برسٹ کرسہ نسخان رسیفیر۔
میجر گہرام نا رد ئٹ چھار مئی 1 آن 2 بجہ اسکان بی ایل ایف نا سرمچارک نوشکی نا جہہ البت نا خڑک خاران، نوشکی کسر ئے تفِسہ گاڑی تا پٹ و پول ئے کریر سرمچار تا اسہ ٹولی ئس زرین جنگل ئٹ تعمیراتی کمپنی آ جلہو کرسہ مشین تے ہشار و چھار بندغ تے مشکوک کاریم تا سوب آن دزگیر کریر ہرافتان پٹ ئہ برجاء ءِ۔
میجر گہرام بلوچ پارے کہ کسر آ سرمچار تا ناکہ بندی و پٹ و پول تا مسخت کسری تے تنگ کننگ اف بلکن کوزہ گیر ریاست نا بلوچ دژمن لشکر و جاسوس آتے ٹک کننگ و اوفتا نقل و حرکت ئے توننگ مریک۔
جارکش ودیک پارے کہ بی ایل ایف نوشکی ئٹ کسر تفنگ و حفاظتی بند و تعمیراتی کمپنی نا مشن تے نسخان رسیفنگ نا زمہ واری ئے ہرفک۔ و تیبہ بلوچستان ئٹ تعمیراتی کمپنی تے خبڑدار کیک کہ سو بلوچستان ئٹ استحصالی کوزہ گیر پاکستان نا استحصالی ڈٹ بندی و پروگرام تا بشخ جوڑ مفس۔
