بلوچستان نا ضلع پنجگور نا علاقہ پروم ئٹ اسہ تراک ئسے نا توار بِننگ مس۔ حوال تا رد ئٹ نادرست آ بندغ آک پاکستانی لشکر نا کاروان ئے آئی ای ڈی تراک ئٹ ٹِک کرینو۔
تراک آن گُڈ پاکستانی لشکر علاقہ ئے گھیرہ کرسا جہی مخلوق ئے بیدادی نا گواچی کرینے۔ اندن کیہی بندغ آتے زوراکی ئٹ بیگواہ کننگ نا حوال ہم ارے۔
جلہو ئٹ پاکستانی لشکر ئے جانی و مالی نسخان رسینگ نا حوال ءِ۔
دائسکان کوالخواہ تا پارہ غان دا تدنی آ ہچو بیان مونا بتنے، نئے کہ تنظیم ئس دا جلہو نا ذمہ واری ئے ہرفینے۔ واہم مُست دننگا جلہو تا ذمہ واری تے بلوچ آجوئی خواہوک سلاہ بند تنظیم آک ہرفینو۔
