پاکستان نا صوبہ پنجاب نا شہر سرگودھا آن پاکستانی لشکر نا دُو آن زوراکی ئٹ بیگواہ آ خوانندہ خدا داد نا آجوئی کن اینو ضلع کیچ کرکی ٹی خاوت نا نیمہ آن سی پیک کسر آ برانز مننگءِ ۔
برانز ئٹی ہندی بندغ آک بھلو کچ ئسیٹی بسُر اراٹی زالبول و چُناک اوار اسُر ،کسر آ ہن و بر بند ءِ ۔
خدا داد نا خاوت اونا آجوئی نا خواست ئے کرسا پارے کہ نن خدا داد ئے خواننگ کن گدراسُن ولے اودے زوراکی ئٹ بیگواہ کننگانے ۔
یاتی مرے کہ خدا داد ولد سراج احمد ئے 8 مارچ 2024 نا شام 8:30 بجہ آ اَسہ پیہُن رنگ ئنا لاری سیٹی ظفراللہ چوک الرشید اسپتال سرگودھا نا مون آن زوراکی ئٹ بیگواہ کریسُر ، او سرگودھا میڈیکل کالج ئٹی پیتھالوجی لیب سائنسز نا خوانندہ سے ۔
