تھری ایم پی او نا رد ئٹ دزگیر مروک بی وائی سی نا سروک سمی دین بلوچ آجو مس۔
سمی دین نا خاہوت و اونا وکیل اونا آجو مننگ نا حوال ئے پک کرینو۔
سمی دین نا وکیل جبران ناصر پارینے کہ سندھ حکومت سمی نا پن ئے MPO آن واپس ہلکنے و اودے یلہ کرینو او دا وختا تینا خاہوت تون اوار ءِ۔
او پارے کہ سمی نا آجوئی ٹی الس و میڈیا نا دباؤ اہمو کڑد ئس سر تسنے۔ واہم لالا وہاب، شہداد، رازق وسلطان (ہرا نابالغ ءِ) نا کیس ئٹ ایم پی او دائسکان ہم خلوک ءِ۔
او پارے کہ نن خواست کینہ کہ BYC نا غُٹ باسک آتا برخلاف MPO ئے تیبہ وڑ ئٹ ایسر کننگِہ، ہرافتا پرامن برانز بنداوی جمہوری حق ءِ۔
او پارے کہ سمی نا آجوئی ریاست نا کنڈ آن راست انگا کسر آ اولیکو گھام تکنگک۔ نن ماہ رنگ و بلوچستان حکومت نا دزگیر ئٹ غُٹ BYC باسک آتا دمدستی آجوئی نا خواست کینہ۔
