سندھودیش آشوبی لشکر (ایس آر اے) تینا درشان ئٹی پارینے کہ جامشورو ٹی پولیس تھانہ غا جہلو ئٹی افسر آتون اوار گِڑاس پین پولیس نا کارندہ ٹھپی مسّنو۔ تھانہ ٹی سلوک بھاز آ گاڈی و جاگہ آتے ہم نسخان تننگانے۔
او پارے کہ تراک ئٹی پولیس اسٹیشن ئے ٹِک کننگا، ٹھپی آک ہیڈ کانسٹیبل محمد بخش، اے ایس آئی رسول بخش، غلام معی الدین، پولیس کانسٹیبل ارشاد علی عبدالطیف و جمشید پِنی ءُ بندغ ئسے نا پِن آ درست مسّنو، جمشید تراک نا وخت آ لاک اپ ئٹی مسّنے۔
جامشورو نا سینئر سپرنٹنڈنٹ پولیس (ایس ایس پی) طارق نواز نا پاننگ ءِ کہ ٹھپی آتیٹ اِرٹ نا حالت نازُرک ءِ ہرافتے سول اسپتال حیدرآباد آ راہی کننگا۔
تراک ئٹی تھانہ نا تہہ ئنا اسکوٹر، موٹر سائیکل و رکشہ آتے ہم نسخان رسینگانے۔
