بلوچستان نا ضلع کیچ تربت ئٹی نادُرست سلاہ بند بندغ آک پاکستانی لشکر نا قافلہ ئے جلہو ئٹی نشانہ کریر۔
ہندی حوال تا رد ئٹ اینو سہب ئنا ہند ئٹی سخت تراک و سُمکاری نا توار بننگا۔
تربت پولیس تدینی ئے پک کرسا پارے کہ جلہو ئٹی اسہ کارندہ ئس خلنگانے و چار ٹپیءِ۔
خلنگ مروکا کارندہ رمضان نا پن ئٹ چائنگ مسونے و ٹپی مروکا تیٹی نائیک شمس الدین و لانس نائیک امان اللہ اوارءُ۔
ہندی حوال تروکا تا رد ئٹ اینو سہب ئنا تربت نا ہند آپسر ہیٹ تا منڈی ٹی کم آن کم شش تراک و سُمکاری نا توار بننگا۔
