سوراب گدر آن ہنوکا دے ارا بندغ آتے بیگواہ کننگ نا برخلاف خاہوت نا برانز
حوال تروکا تا رد ئٹ سوراب گدر آن بیگواہ مروکا شبیر احمد ولد بشیر احمد و عزیز احمد ولد عبداللہ نا خاہوت اوفتا بیگواہی نا برخلاف سوراب زیرو پوائنٹ نا ٹک آ سی پیک کسر و کوئٹہ کراچی راجی کسرئے بند کرسا برانز کرے-
برانز ئنا سوب آن سی پیک نا بند مننگ آ ارٹنگا نیمغان ہن و بر بندءِ- کوئٹہ کراچی کسر آ ارٹنگا نیمغاتا مسافر الاخ آک پهسینگانو-
پهسینگوکا مسافر آک انتظامیه آن خواست کرینو که برانزی تیتون هیت کرسا زوت کسرئے یله کننگے-
