کوئٹہ: بی وائی سی نا بنجائی رہشون نا دزگیری و پُر ایمن برانزی تیا تشدد و خون ئنا خلاف تربت ئٹی یک شمبے آ اِرٹمیکو دے ہم بلوچ یکجہتی کمیٹی نا کال آ بازار و مارکیٹ آک بندءُ۔
بی وائی سی نا رہشونک درے نن تربت ئٹ برانز جہہ آن اسہ ہنگامی پریس کانفرنس ئسیٹی کوئٹہ تدینی نا برخلاف اینو تربت ئٹی شٹرڈاؤن ہڑتال نا پڑو کریسر۔
ہڑتال نا وخت شہید فدا چوک آ بی وائی سی نا باسک آک برانز کننگ ءُ ہرافتیٹی زالبول و چُنا تا بھلو کچ ئس اوار ءِ و برانز ئٹی سیاسی باسک و لس مخلوق اوار ءِ۔
