سندھو دیش روولیوشنری آرمی نا ترجمان سوڈھو سندھی میڈیا غا شنگ کروک درشان ئٹی پارینے کہ درو شام ئنا خورشید کالونی، سائیٹ ایریا کوٹڑی (جامشورہ) ٹی پاکستانی ایجنسی تِہ حوال سر کروک و کمکار ڈاکٹر عبد الخالق راجپوت ئے کھسفنگ نا زمہ واری ئے ہرفینہ۔
ترجمان پارے کہ پاکستانی پنجابی ریاست نا کنڈ آن لمّہ وطن سندھ ئنا زیہا چَٹی کثیر الجہتی راجی غلامی نا برخلاف بحیثیت اَسہ راج و راجی تحریک ننے تینا کڑد ادا کروئی تمِک۔
او پارے کہ ایس آر اے بحیثیت اسہ زمہ وار تنظیم ئس، مُست آن ہم تینا کڑد ئے ادا کننگ ءِ و داسہ ہم نن صف اول ئٹی سلیسہ تینا مزاحمتی کڑد ئے ادا کننگ اُن۔
او پارے کہ سندھ وطن نا اَسہ اَسہ انچ ئنا دفاع ئے نن تینا اولی زمہ واری سرپند مرینہ و ہندا سوب آن وطن نا ورنا غا بھاتی تا وہوکا دتر نا اَسہ اَسہ پڑینک و جشوک آ جون تا حساب ہلنگ مرو۔
جارکش ایسر ئٹ پارے کہ ایس آر اے سندھ ئنا تیبہ آجوئی اسکان مزاحمتی جہد ئے برجاء تخنگ نا عزم ئے بھیرو کیک۔
