جاندمی وزیرستان نا تحصیل لدھا ٹی اسہ ڈرون جلہو ئسے نا سوب آن چُنا و زالبول تون اوار پنچ بندغ خلنگا و ارٹ ٹپی مس ۔
ڈرون جلہو لدھا نا ہند تنگی بدینزائی ٹی کننگا ۔ جلہو ٹی زالبول و چُنا تون اوار پنچ بندغ خلنگ و ارٹ ٹپی مس ۔
ڈرون جلہو ئٹی خلنگ مروکاک بانوت خان ، رابعہ خان ، 17 سالی آ شاہزیب خان ، 13 سالی آ عُظمہ خان و 4 سالی آ راجمہ نا پن ئٹ چائنگار، ٹپی آتے ڈیرہ اسماعیل خان آ دننگا۔
ہندی بندغ آتا ردئٹ زیمی مروک آ خاہوت داسا زوت باسُنی تے گدریفنگ کِن ڈیرہ اسماعیل آ بس اُسر ۔
