گوادر نا جیونی آن پاکستانی فوج اسہ وارس پدا زوراکی ئٹ بیگواہ کننگوک آ اسغر علی نا اُراغا چھاپہ خلیسا بندغ آتون زوراکی کرینے۔
زرمبش حوالکار نا رد ئٹ استو پاکستانی فوج چھاپہ خلیسا اُراتا پٹ و پول تون اوار چُنا و زالبول آتون زوراکی کرینے۔
خاہوت نا رد ئٹ دا اولی وار اف کہ پاکستانی فوج ننا اُراغا چھاپہ خلکُنے۔ 16 اپریل آ علی اسغر نا زوراکی ئٹ بیگواہ کننگ آن پد فوج بھاز وار ننا اُراغا چھاپہ خلیسا بندغ آتون زوراکی کرینے۔
اونا پاننگ اسک کہ 06 جولائی آ ہم پاکستانی فوج ننا اُراتے ڈیریفینے و ننا پیر انگا لُمہ و اُرا والاتے ایلو سیال آتا اُراغا ہننگ کن مجبور کرینے۔ ننا لُمہ بیمار ئسے و آپریشن مسونے و ایڑ اُست ئنا مریض ئسے۔ ایلم نا زوراکی ئٹ بیگواہی آن پد فوج ئنا وار وار چھاپہ خلنگ و زوراکی کننگ ننا خاہوت آتے گیشتر تکلیف تننگءِ۔
خاہوت بندغی حق آتا ادارہ تیان خواست کرینے کہ اوفک علی اسغر نا آجوئی و خاہوت نا رکھیفنگ و انصاف تننگ کن گامگیج ہرفر۔
