بلوچ ریپبلکن گارڈز ئنا جارکش دوستین بلوچ تینا درشان ئٹی پارینے کہ بی آر جی نا ڈرون یونٹ نا سرمچارک اینو سوب ئنا ہشت آ کچی نا ہند بھاگ شار ئٹی فوج و پولیس نا اوار ئنگا کیمپ ئے ڈرون ئٹ ٹک کرینو۔ جلہو ئٹی اسہ کارندہ ئس کھسکنے و اسٹ ئس بھاز ٹپی مسونے۔
جارکش پارینے کہ اینو سوب ئنا دہ بجہ غا بی آر جی نا سرمچارک بولان نا ہند کچی ٹی پاکستانی فوج ئنا کاروان ئے راکٹ و پین بھلا سلاہ تیٹ ٹک کرینو۔ دا جلہو ئٹی چھار کارندہ کھسکنے و بھاز ٹپی مسونے۔ لاری ئے بھاز نسخان مسونے۔
دوستین بلوچ دا جلہو نا ذمہ واری ئے ہرفینے و پارینے کہ دا جلہوک بلوچستان نا آجوئی اسکان برجاء مرور۔
