بلوچ نیشنل موومنٹ نا چئیرمین ڈاکٹر نسیم بلوچ چاگڑدی میڈیا نا سائیٹ ایکس آ شنگ کروک بیان ئسیٹی پارے کہ کنا باوہ محمد بخش ساجدی، الہ نعیم ساجدی و انجینئر رفیق بلوچ ءِ پاکستانی لشکر حب چوکی آن ہشت تُو مُست زوراکی ئٹ بیگواہ کریسس۔
ڈاکٹر نسیم بلوچ پارے کہ ہشت تُو گدرینگ آن پد ہم خاہوت ءِ ہچو سرپدی تننگ افس کہ او امر و ارانگ ءِ ۔
بی این ایم نا چئیرمین اقوام متحدہ نا بندغی حق آتا کونسل آتون اوار جہانی بندغی حق آتا ادارہ تیان خواست کرینے کہ اوفک دا بابت آ پام ترسا پاکستان ءِ سوج کیر۔
ڈاکٹر نسیم بلوچ نا باوہ محمد ساجدی، اونا الہ نعیم ساجدی و رفیق بلوچ ءِ پاکستانی لشکر 02 فروری 2026 آ حب چوکی آن دزگیر کننگ آن پد بیگواہ کرینے۔
