مستونگ ڈگری کالج نا مُسکوہی پرنسپل و پروفیسر صالح محمد شاد کذیت کرینے۔
حوال تا رد ئٹ خدو اگست نا تُو ئٹی پاکستانی لشکر پروفیسر محمد شاد ءِ پین ہشت سیال آتون اوار دزگیر کرسا بیگواہ کریسس، اودے بھاز بےدادی آن پد آجو کریسُر ، او علاج کن کوئٹہ اسپتال آ دننگاسس۔
صالح محمد شاد شہید وحید بلوچ نا باوہ، شہید صلاحدین، بی ایس او آزاد نا مُسکوہی رہشون فضل بلوچ، بی آر ایس او نا مُسکوہی چئیرمین ایڈوکیٹ چیف عطا اللہ بلوچ و ایڈوکیٹ نجیب بلوچ نا الہءِ۔
صالح محمد شاد براہوئی زبان نا نوشتہ کار ئسے ہرانا چار کتاب ہم شنگ مسونے۔
