بلوچستان ئٹ زوراکی ئٹ بیگواہیک چرجوئی ئٹ برجاء ءُ، پین مسہ بندغ نا بیگواہی و اسہ بندغ ئسینا آجوئی نا کیس آک رپورٹ مسنو۔
حوال آتا رد ئٹ ستمبر نا تو ئٹی 09 تاریخ آ ذاکر ولد عبدالرزاق حاجی شاہ ولیج نا ہندی و 08 تاریخ آ جمیل ولد اقبال بلوچ ئے میرانی ڈیم آن دزگیر کننگ آن گڈ بیگواہ کننگانے۔
داڑان بیدس ریاض احمد ولد شمبے صالح مند کیچ ئنا ہندی ئے 15 اگست آ فاضل چوک گوادر آن زوراکی ئٹ بیگواہ کننگانے۔
ہندا وڑ 23 اگست آ پاکستانی لشکر نا دو آن بیگواہ کننگوک نوشکی نا ہندی بختیار احمد ولد عبدالسلام 07 ستمبر آ آجو مرسہ تینا اُرا ئے سر مسُنے۔
