کراچی آن ڈھکوک ادارہ آتا دوتیان زوراکی ئٹ بیگواہ کننگوک آ محمد زمان عرف ڈاکٹر لاشاری ولد وحید نا خاہوت پارینے کہ اونا زوراکی ئٹ بیگواہی ئے مُسہ تو پورو مسونے کہ دائسکان اونا ہچو حوال اف۔
خاہوت نا پاننگ ءِ کہ محمد زمان دبئی ٹی مزور ئس مسونے و پدا بننگ آ 08 جون آ 2026 آ کراچی ائیرپورٹ آ ڈھکوک ادارہ آک دزگیر کرسا بیگواہ کرینو۔ اونا بیگواہی ئے مُسہ تو پورو مسونے دائسکان ننے اونا بابت ئٹ سما اف کہ او ارانگ ءِ اودے ہرا میار نا بنیات ئٹ تیوہ خاہوت سزا تننگ ءُ ۔
خاہوت نا پاننگ ءِ کہ اگہ محمد زمان آ امرو ہم دوبہ ئس ارے گُڑا اودے عدالت ئٹی ہتنگ مرے ، دا وڑ بیگواہ کننگ آ تیوہ خاہوت فریشان ءِ ۔
خاہوت بلوچ راج ئتون اوار بندغی حق آتا ادارہ غاتیان خواست کرینے کہ اوفک محمد زمان نا آجوئی کن توار بُڑز کننگ کن تینا کڑدئے پیلو کیر۔
