بلوچستان نا ضلع نوشکی ٹی سُمکاری آن پولیس کارندہ ئس خلنگانے ۔
نوشکی بازار ئٹی پولیس نا ذی آ سُمکاری کننگ آن اسہ پولیس کارندہ ئس کسک ، اندن جلہو آن سٹی پولیس تھانہ ایس ایچ او غلام محی الدین نشیب بچا ۔
پولیس ذرائع نا رد ئٹ نوشکی بازار ئٹی پولیس کارندہ تے ٹک کرینو ۔ اراڑان پولیس کارندہ عبدالناصر جاہ آ ساہ تِس ۔ تدینی آن گُڈ پولیس علاقہ ءِ گیرہ کرسہ شواہد اسہ جاہ کننگ ءِ برجاء کرے ۔
پولیس ذرائع نا پاننگ ءِ کہ جلہو سٹی تھانہ نا ایس ایچ او غلام محی الدین نشیب آ مسُنے، اراڑان ہو بچانے ۔
بیران مروک عبدالناصر نا جون ءِ المی کاروائی کن ٹیچنگ ہسپتال نوشکی آ درینو ، اراڑے قانونی کاروائی کننگ برجاء ءِ ۔
