وزیر اعلیٰ و وزیر داخلہ نا برخلاف پریس کانفرنس کننگ آ ریٹائرڈ پولیس آفیسر ڈاکٹر عائشہ فیض ئے دزگیر کننگانے
ریٹائرڈ پولیس سرجن ڈاکٹر عائشہ فیض نا برخلاف انسداد دہشتگردی ایکٹ نا رد ئٹ سی ٹی ڈی تھانہ ٹی مقدمہ درج کننگاسس، ہندن پاننگ مننگ ءِ کہ اودے دزگیر کننگانے۔
پولیس نا پاننگ ءِ کہ ڈاکٹر عائشہ آ مقدمہ وزیر اعلیٰ بلوچستان میر سرفراز بگٹی و صوبائی وزیر داخلہ نا برخلاف کوئٹہ پریس کانفرنس ئٹی کروک پریس کانفرنس نا سوب آن درج کننگانے۔
ڈاکٹر عائشہ فیض منہ دے مُست پریس کانفرنس ئٹی بلوچستان نا تیوئی سیاسی صورتحال و اونا تاریخی پس منظر و داسہ نا تدینی تا بارو ئٹ تینا خیال آتا درشانی ئے کریسس۔
او بلوچ آجوئی نا جنز ئٹی زالبول آتا کڑد آ گپ کریسس، ہندا وڑ وزیر اعلی بلوچستان نا کنڈ آن بروکا وخت ئٹ مروک جلہو تا صورت ئٹ مستونگ نا باغ آتے بلڈوزر کننگ نا بابت ئٹ تروک بیان ئے شیف خلکس۔
پولیس نا پاننگ ءِ کہ ڈاکٹر عائشہ فیض نا برخلاف انسداد دہشتگردی ایکٹ نا جتا دفعہ تا رد ئٹ مقدمہ درج کننگانے۔
