پنجگور ئٹی استو پنچ جون اسپتال آ سر کننگانے، ہرافتیان اِرٹ نا چائنداری مسُنے۔
حوال تا رد ئٹ چائنداری مروکا بندغ آتیٹی ظاہر بلوچ ولد ناصر و حافظ عمران بلوچ ولد منظور اوار ءُ۔ ظاہر بلوچ پروم و حافظ عمران پنجگور وشبود نا ہندی ئسے۔ ایلو مُسے جون تا چائنداری داسکان متنے۔
یات مرے کہ دہ دے مُست 10 اگست 2026 آ ہم پنچ جون اسپتال آ ہتنگاسس ہرافتیٹ مُسہ بندغ مُست آن زوراکی ئٹ بیگواہ کننگاسُر۔ ہرافتا چائنداری حافظ مدثر ولد نور احمد بلوچ، شعیب بلوچ ولد محمد ایوب و پیر جان ولد کچکول نا پن تیٹ مسس ہرافتے جتا وخت آتیئٹ پاکستانی فوج دزگیر کننگ آن پد زوراکی ئٹ بیگواہ کریسس۔
