بلوچستان نا ضلع نوشکی ٹی پاکستانی لشکر نا کاروان و بھلا لاری تیا بھاز جہہ تیا سلاہ بندہ بندغ آک جہلو کرینو۔
نوشکی نا ہند احمد وال ئٹی پھاٹک نا سند آ درو پاکستانی لشکر نا کارندہ غاتے دروکا لاری و اوفتے سیکورٹی تِروکا لشکری لاری تے سلاہ بند بندغ آک جہلو ٹی ٹِک کرینو۔
حوال تا رِد ئٹ لشکری کارندہ غاتے دروکو اسہ بس ئس جہلو نا مون ئٹی بسُّنے ہرانا سوب آن پاکستانی لشکر ئے بھلو کچ ئسے ئٹ جانی نسخان رسینگ نا گمان ارے۔
ایلو نیمہ غا اینو ضلع نوشکی نا ہند مَل ئٹی کوئٹہ تفتان بھلا کسر آ مُسہ لاری تے سلاہ بندہ بندغ آک جہلو ٹی ٹک کرینو۔
سلاہ بندہ بندغ آک بوزر و ایلو لاری تا ٹائر آتے سم کاری کرسہ ناکارہ کرینو۔
داڑان بیدس درو شام ضلع سبی نا ہند لمجی ٹی سلاہ بند ببدغ آک بھلا کسر نا کنٹرول ئے دوئی کرسہ منہ لاری ئے ٹِک کرینو ہراڑان لاری تے نسخان رسینگانے، ہندُن سبی ٹی بجلی نا اِرا ٹاور ئے تراک ئٹ نسخان تِننگانے۔
داسکان دا جلہو تا ذمہ واری تے ہچو تنظیم ئس ہرفتنے۔
