کیچ: استو تربت نا ہند بُگ آن پاکستانی فوج اِرا ایلم تے زوراکی ئٹ بیگواہ کرینے۔
زرمبش حوالکار تا رد ئٹ زوراکی ئٹ بیگواہ کننگوک آ ایلم تا چائنداری شاید بلوچ ولد بجار و فہد بلوچ ولد بجار نا پن ئٹ مسنے ہرا بنیات آن زامران دشتک نا ہندی ءُ، اوفتے ہُرے ءِ کہ ہمپِسا تربت آ بسنو۔
استو پاکستانی فوج اوفتا اُراغا چھاپہ خلکنے اُراتے پٹ ءَ پول کرینے و اُرانا ایلو بندغ آتیا زوراکی کرسا قیمتی آ سامان تے تینتون درینے۔
ہندی حوال تا رد ئٹ دا اولی وار اف کہ فوج بُگ ئٹی اوفتا اُراغا چھاپہ خلکنے داکان مُست ہم فوج بھاز وار اوفتا اُراغا چھاپہ خلِسا بندغ آتیا زوراکی کرینے۔ ہندا سال ئنا 27 جولائی نا شام آ فوج اوفتا اُراغا چھاپہ خلِسہ اُرا نا بندغ آتیا زوراکی کرینے۔
یات مرے کہ 27 فروری 2026 آ پاکستانی فوج اِرٹ انگا ایلم تے اوفتا باوہ بجار تون اوار زور ئٹ پریس کانفرنس کریفسس و نیاز بلوچ آن دو کشنگ نا پاریسس۔
