بی ایل ایف نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارے کہ سرمچار آک 03 اگست 2026 آ چاغی نا علاقہ پدگ ئٹی کوئٹہ تفتان نا بھلا کسر آ چاہ سر نا ہند آ کوزہ کروک فوج ئنا 12 لاری تا کاروان ئے مُست سنگر ہلسہ سوگو او جلہو ئسیٹی ٹِک کریر۔ سرمچار آک بھلا و خودکار سلاہ تیٹ 4 لاری تے ٹِک کریر ہراڑے 10 فوجی کارندہ ہمو جاگہ آ خلنگار و کیہیک ٹپی مسُر۔
ترجمان مُستی پارے کہ سرمچار آک 01 اگست 2026 آ مستونگ نا ہند تلخکاوی ٹی پاکستانی فوجی کیمپ آ دیر دروکا ٹینکر ئے ٹِک کرسا سخت نسخان تسُر، ڈرائیور ٹینکر ئے یلہ ترسا نرا۔ سرمچار آتا کارروائی آن فوج ئے دیر ئنا سپلائی تیبا سلیس، ہرانا سوب فوج خلیس نا گواچی مرسا تینا کیمپ آن پیشتمنگ کتو و اِرا دے اسکان ہچ وڑ ئنا گشت و ہن بر کننگ کتو۔ کوزہ کروک فوج ئنا دیر ئے توننگ نا مسخت دا اسک کہ فوجی کیمپ ئے دیر و ایلو زند ئنا ضرورت آتا سپلائی ئے تنیا بند کرسا دشمن ئے گھیرہ ٹی ہلیر و اگہ فوج ئنا کمک کن پین فوجی کمک یا کاروان ئس برے گُڑا کسر ئٹ مُست آن سنگر ہلوک آ سرمچار آک اوفتے ٹِک کیر۔
ترجمان پارے کہ تلخاوی کیمپ ئنا اسہ وڑ ناکہ بندی و سپلائی وے مننگ نا سوب آن 03 اگست 2026 آ کوزہ کروک پاکستانی فوج سخت ذہنی فریشانی نا گواچی مرسا تینا تلخاوی کیمپ ئے خالی کرسا نرار۔ سرمچار آک نروک آ فوجی کارندہ تے ٹِک کریر ہراڑے 4 کارندہ ٹپی مسُر و ایلو کارندہ غاک تینا فوجی سامان تے الِسا نرنگ کن مجبور مسُر۔ 03 اگست آ سوب ئنو 09 بجہ غا سرمچار آک تلخاوی کیمپ ئے گھیرہ کرسا خیالداری ئٹ پیش قدمی کریر و کیمپ ئنا تہٹی پیہار۔ سرمچار آک کیمپ ئے تینا کنٹرول ئٹی ہلِسا ساڑی انگا کوزہ کروک فوج ئنا کارمرز کروکا سامان و ملٹری ریکارڈ آتے ہُشار و کیمپ ئے تیبہ بھُس کریر۔
ترجمان ایسر ئٹ پارے کہ بی ایل ایف چاغی و مستونگ ئٹی مروکا کارروائی و دشمن ئے جانی و مالی نسخان تننگ نا ذمہ واری تے ہرفک۔
