بلوچستان نا ضلع پنجگور نا ہند تسپ و کراچی آن پاکستانی فوج استو اِرا ورنا تے زوراکی ئٹ بیگواہ کرینے۔
خاہوت نا رد ئٹ 02 اگست 2026 نا نن 12 بجہ غا پاکستانی فوج تسپ ئٹی حاجی خان محمد نا اُرا ئے گھیرہ کرے و اونا ورنا انگا مار شہباز ولد حاجی خان محمد ئے دزگیر کرسا تینتون درے۔
خاہوت نا رد ئٹ شہباز ئے دننگ آن پد خاہوت ئے اونا بارو ئٹ ہچو سرپندی ئس تننگ متنے۔
خاہوت خواست کرینے کہ اگہ شہباز آ دوبہ ئس ارے گُڑا اودے قانود نا رد ئٹ عدالت آ ہتنگ مرے۔
حوال تا رد ئت استو چار بجہ غا پاکستانی فوج کراچی نا ہند ماڑی پور ٹکری ولیج ئٹی چھاپہ خلسہ اللہ بخش بلوچ ولد بشام ئے دزگیر کرسا بیگواہ کرینے و پدا یلہ کرینے ولے اسہ گھنٹہ ئسے آن پد پنچ بجہ غا پدا اُراغا چھاپہ خلسہ اودے تینتون درینے۔
پن کروک بندغ نت آن منڈ ئسے، او دہ سال آن غیر سرکاری خواننگ جہہ ٹکری ایجوکیشن سینٹر ئٹی خوانیفنگ ءِ۔ فوج ارٹمی وار اودے دزگیر کننگ نا وخت اونا سواری ئے ہم تینتون درینے۔
