بی این ایم نا بندغی حق آتا ادارہ پانک کیچ ئنا ہند مند گوبرد نا ہندی عثمان ولد مولا داد نا زوراکی ئٹ بیگواہی نا مذمت ئے کرسا پارینے کہ اودے 18 جون آ ایران نا شار چابھار، سیستان بلوچستان آن پاکستانی فوج ئنا ڈھکوک ادارہ آک برمتہ کرینو۔ اوکان پد اونا ہچو حوال ئس اف۔
خاہوت پارینے کہ عثمان ئے بھلو وخت ئس مریک کہ او ہمپِسہ سیستان بلوچستان آ بسنے۔ اگہ اوڑا امرو ہم دوبہ ئس ارے گُڑا قانود نا رد ئٹ عدالت ئٹی ہتنگ مرے۔
پانک پاکستانی سرکار آن خواست کرینے کہ عثمان بلوچ نا بابت ئٹ زوت سرپدی ایتے و اونا آجوئی ئے یخینی جوڑ کے۔ اودے خاہوت ئے نشان تننگ مرے اگہ اوڑا امرو ہم دوبہ ئس ارے گُڑا قانود نا رد ئٹ عدالت ئٹی ہتنگ مرے اگہ بے گناہ ءِ گُڑا زوت آجو کننگے۔
پانک عثمان بلوچ نا زوراکی ئٹ بیگواہی نا بابت ئٹ جوانی ئٹ پٹ ءَ پول نا خواست کرینے و پارینے کہ سرکار جہانی بندغی حق آتا قانون نا پابند مرے۔
