بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ سرمچار آک 23 جولائی 2026 آ بلیدہ نا ہند بزپیش نا ہند آ کوزہ کروک پاکستانی فوج ئنا اِرا موٹرسائیکل تا گشتی ٹیم آ مُست آن سنگر ہلِسہ جلہو کریر۔ جلہو ئٹی اسہ کارندہ ئس خلنگا و اسٹ ئس بھاز ٹپی مس۔
ترجمان پارے کہ سرمچار آک 21 جولائی 2026 نا شام کراچی و حب چوکی نا نیام ہمدرد یونیورسٹی نا خُڑک برجاء انگا کوسٹ گارڈ نا چوکی ئے دستی بمب جلہو ئٹی نشانہ کریر ہراڑان اسہ کارندہ ئس خلنگا۔
ترجمان گہرام بلوچ بیان ئٹی مُستی پارے کہ سرمچار آک 17 جولائی 2026 نا شام دہ بجہ نا خُڑک پسنی ٹی کوسٹ گارڈ نا بھلا کیمپ ہراڑا ریڈار سسٹم تخوک ءِ اوڑا کیہی گرنیڈ لانچر نا گولہ خلکُر ہرا تینا نشانہ تیا لگار ہراڑان دشمن ئے بھاز جانی و مالی نسخان ہرفوئی تمانے۔
ترجمان بیان ئٹی مُستی پارے کہ شام ئنا وختس دشمن فوج و ٹیکنیشن آک کیمپ ئنا ریڈار سسٹم و ایلو نسخان تے ہُننگ اسُر اسہ وار ئس پدا سرمچار آک حکمت عملی ئٹ کیمپ آ گرنیڈ لانچر خلکُر ہراڑان کوسٹ گارڈ نا کارندہ و ریڈار سسٹم ئے پین نسخان مس۔
ترجمان گہرام بلوچ ایسر ئٹ پارے کہ بی ایل ایف بلیدہ، کراچی و پسنی ٹی کوسٹ گارڈ آ مروکا جلہو تا ذمہ واری تے ہرفک۔
