بلوچ ریپبلکن آرمی (بی آر اے) نا ترجمان سرباز بلوچ تینا شنگ کروک بیان ئسیٹی پارینے کہ ننا سرمچار آک ہفتہ نا دے ڈیرہ بگٹی نا ہند سوئی نا خُڑک عنایت شاہ دربار آ ماری انرجیز لمیٹڈ کمپنی نا کاروان آ جلہو کرینو، ہراڑان کمپنی نا چھار رکھوال خلنگانو و نوکر آتیتون اوار ہشت بندغ ٹپی مسنو۔ کاروان ئٹی اوار انگا منہ لاری تے بھوز نسخان مسُنے۔
ترجمان جلہو نا ذمہ واری ئے ہرفسا پارینے کہ اسہ وار ئس پدا صاف پاننگ خواہِنہ کہ بلوچ سرزمین نا مڈی تا لُٹ ءُ پُل نا برخلاف نن جُہد ئے برجاء تخون۔ نن بلوچ راجی مڈی تا رکھنگ کن ہر وڑ ئنا گامگیج ہرفون و دُن انگا ہر ہربہ نا برخلاف کارروائی کرون ہراٹی بلوچ راج ئنا منشاء اوار مف۔
