نودربر آصف بلوچ ئے 13 جولائی 2026 آ کوئٹہ سمنگلی روڈ، ایمن سٹی نا علاقہ غان پاکستانی لشکر زوراکی ئٹ بیگواہ کرے۔
اینو خضدار ئٹی اونا زوراکی ئٹ بیگواہی نا برخلاف برانز کننگا۔ برانز نا وخت آ خاہوت اونا زوت آجوئی نا خواست ئے کرے۔ اوفتا پاننگ اسک کہ اگہ آصف آ ہر وڑ ئنا دوبہ ئس ارے تو اودے قانود نا رد ئٹ عدالت ئٹی ہتنگ مرے و خاہوت ئے اونا بارو ئٹ آگاہی تننگ مرے۔ اوفتا رد ئٹ عدالت ئٹی ہتنگ آن بیدس زوراکی ئٹ بیگواہ کننگ قانودی خواست و بنداوی بندغی حق آتا برخلافی ءِ۔
خاہوت اقوامِ متحدہ، جہانی برادری و بندغی حق آتا تنظیم آتیان خواست کرے کہ اوفک آصف نا زوراکی ئٹ بیگواہی نا برخلاف زوت ٹونس ہلیر و اونا زوت و رکھوک آجوئی کِن کڑدار ادا کیر۔
