بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئسیٹی پارے کہ بی ایل ایف نا سرمچار آک 15 جولائی 2026 آ مستونگ نا ہند کھڈ کوچہ ٹی مدینہ ہوٹل آ کسر تفنگ نا وخت لاری تے پٹ ءَ پول کریر، دا وخت آ پاکستانی لشکر نا میجر ئسینا ڈرائیور ئسے بلٹ پروف گاڑی ئسیتون ہلکُر ، ہرا دا وخت آ تنظیم نا بندی ءِ، و اوڑان سرسوج برجاء ءِ۔
کسر تفنگ نا وخت آ سرمچار آک ہشت ٹرالر لاری تے توریر ءُ سرسوج آن پد بندغی نا بنیات آ اوفتے یلہ تسُر۔
او پارے کہ پین کارروائی ئسیٹی سرمچار آک 14 جولائی 2026 آ قلات نا ہند رودین نا اسپتال آ جوڑ مروک پاکستانی لشکر نا چوکی آ اسہ کارندہ ئسے اسنائپر ئٹ ٹک کرینو ہرا ہمو جہہ آ کھسکُنے ۔
ترجمان پارے کہ 13جولائی 2026 آ ننا سرمچار آک گومازی نا ہند ماروار ئٹی سادہ پچ بینوک، لشکر کشی کننگ کہ کن بروک زوراک آ پاکستانی لشکر نا کارندہ تے ٹک کرینو ۔ سرمچار آک بھاز خُڑک آن سنگر ہلِسہ پوسکنا سلاہ تیئٹ جلہو کرینو۔ ہراڑان ارا کارندہ ہمو جہہ آ کھسکُنو ءُ بھاز آک ٹپی مسنو۔ فوج ئنا ایلو کارندہ آک تینا کہوکا سنگت آتے یلہ ترسہ نرانو۔
او پارے کہ پین اسہ کارروائی ئسیٹی سرمچار آک 13جولائی 2026 آ جھاؤ نا ہند زیلگ ئٹی زوراک آ پاکستانی لشکر نا چوکی آ راکٹ لانچر ، ایل ایم جی ءُ اسنائپر ئٹ جلہو کرینو ، ہراڑان زوراک آ لشکر ئے جانی و مالی نسخان رسینگانے ۔
ترجمان پارے کہ اسہ پین کارروائی ئسینا نیام ئٹ سرمچار آک 10 جولائی 2026 آ قلات نا ہند توک گِدان ہوٹل نا خُڑک آ سنگر ہلسہ پاکستانی لشکر نا اسہ لاری ئسے آ جلہو کرینو ، سرمچار آک خُڑک آن لاری آ چُنک ءُ بھلن آ سلاہ تیئٹ جلہو کرینو ، ہراڑان زرواک آ فوج ئنا پنچ کارندہ ہمو جہہ آ کھسکُنے ءُ لاری بُھس مسُنے ۔
او پارے کہ 10 جولائی 2026 آ شال ئنا ہند دشت کمبیلا ٹی سرمچار آک گشت ئنا وخت پاکستانی لشکر نا پانزدہ لاری تیتون مون پہ مون مسنو ، اوفتا تہٹی مُسہ بکتر بند ہم اوار مسنے ۔ فوج سرمچار تے گھیرہ کننگ نا کوشست کرینے ، سرمچار آک زوت سنگر ہلسہ فوج آ جلہو کرینو ۔ دا تُرند انگا میڑ ئٹی کیہی کارندہ غاک کھسکُنو ءُ بھاز آک ٹپی مسنو ءُ فوج ئنا کواڈ کاپٹر ئس سرمچار آتیا جلہو کننگ نا کوشست کرینے ولے سرمچار آک اسہ کواڈ کاپٹر ئسے خلکنو ۔ فوج ئنا اسہ سروگ ئس مونا بننگ نا کوشست ئے کرینے ولے سرمچار آک کارروائی کرسہ ہمو سروگ ئے پین اسہ کارندہ ئسیتون خلکُنو ہرا ہموڑے کھسکُنو ، ہراڑان فوج پدی مننگ کہ لاچار مسنے۔
ترجمان پارے کہ ننا سرمچار آک 17 جون 2026 آ مستونگ نا ہند دشت ترامیل آ ریل ئنا پٹڑی آ فوج ئنا جاسوسی کیمرہ ئسے سُمکاری کرسہ تباہ کرینو ، داڑان مُست 16 جون 2026 آ سرمچار آک مستونگ نا ہند اسپلینجی ٹی زوراک آ پاکستانی لشکر نا چوکی ئسے آ اسنائپر ئٹ جلہو کرینو ہراڑان اسہ کارندہ ئس کھسکُنے ۔
میجر گہرام بلوچ بیان نا ایسر ئٹی دا کُل کارروائی تا ذمہ واری ئے ہرفینے۔
