بلوچستان نا جتا علاقہ تیان زوراکی نا تدینی تا رپورٹ آک مونا بسُنو ، ہراڑے مُسہ ورنا زوراکی بیگواہ کننگانو ، و اِرا بندغ آجو مسُنو۔
مستونگ آن 18 سالی آ ممتاز احمد ولد سلطان احمد ئے 8 جون 2026 آ دے ئنا 03:00 بجہ غا چمبلی کسر آن پاکستانی لشکر زوراکی ئٹ دزگیر کرِسہ بیگواہ کرینے۔
چاغی نا علاقہ دالبندین آن اِرا طالب علم زوارکی ئٹ بیگواہ کننگانو۔
ہرافک 19 سال ئنا شکراللہ ولد عبد الخالق نوتیزئی ءُ 20 سال ئنا زبیر بلوچ ولد خدابخش نا پن تیئٹ چانگانو۔
پن کروک ورنا تے 04 جون 2026 آ ایئر پورٹ نا کسر دالبندین آن دزگیر کرِسہ بیگواہ کننگانے۔
ایلو نیمی غا کوئٹہ ءُ پنجگور آن اِرا بندغ آجو مسُنو۔
کوئٹہ نا ہند سریاب آن احمد عاقف بلوچ ولد فضل الرحمان ئے 11 جون 2026 آ دزگیر کننگ آن پد 11 جون آ آجو کننگانے۔
ہندا وڑ ئٹ پنجگور نا ہند چتکان آن نبیل رحیم ولد رحیم بخش ئے 05 جون 2026 آ دزگیر کننگ آن پد 9 جون 2026 آ ایف سی کیمپ آن آجو کننگانے۔
