بی وائی سی تینا شنگ کروک درشان ئٹ مُسہ ورنا شاہ حسین ولد شفیع جان، شبیر احمد ولد سبرو خان و صدام بلوچ ولد محراب علی نا ناحق کوش ئے شیف خلِسہ اوسوز نا درشانی ئے کرینے۔
بی وائی سی نا رد ئٹ بیست ءُ شش سالی آ شاہ حسین ولد شفیع جان پولیس نا کارندہ ئس ءِ و پنجگور نا ہند تسپ ئنا ہندی ئس ءِ۔ ہرادے اکتوبر 2025 آ زوراکی ئٹ بیگواہ کننگانے، او 24 مئی 2026 آ تسپ ئٹی خلنگ مسُنے۔ اسہ پولیس کارندہ ئسینا زندگی رکھوک اف گُڑا لس بندغ ئسینا سلامتی کن بھاز سوال ودی مریک۔
بی وائی سی نا رد ئٹ نوزدہ سالی آ شبیر احمد ولد سبرو خان بزغر ئس ءِ و گریشہ نا ہند کوچو نا ہندی ئس ءِ۔ اودے 27 اپریل 2026 آ زوراکی ئٹ بیگواہ کننگانے۔ اسہ تو ئسے آن پد 08 جون آ اونا سُم خلوک آ جون واشک نا ہند بیسیمہ آن دو تمانے۔
بی وائ سی نا رد ئٹ بیست ءُ ہشت سالی آ ورنا صدام ولد محراب علی اسہ مستری ئس ءِ و تربت نا ہند شاپک نا ہندی ئس ءِ۔ اونا جون 12 جون آ تربت نا ہند ڈی بلوچ آن دو تمانے۔
بی وائی سی دا تدینی تے شیف خلِسہ خواست کرینے کہ دافتا کوش آتا بابت ئٹ جوانی ئٹ پٹ و پول کننگ مرے، ڈوہدار آک قانود نا رد ئٹ سوج کننگ مریر و خاہوت آتے انصاف تننگ مرے۔
